ലോക മുള ദിനം - സപ്തംബര് 18
പുല്ലുവര്ഗത്തിലെ രാജാവായ മുളയുടെ ജന്മദേശം ഇന്ത്യയാണ്. ലോകത്തിലാകെ 111 കുടുംബത്തിലായി 1550ഓളം ജാതി മുളകള് ഉണ്ട്. ലോകത്തില് ഏറ്റവും കൂടുതല് മുള ഉല്പാദിപ്പിക്കുകയും വിപണനം ചെയ്യുകയും ചെയ്യുന്ന ചൈനയില് 300 ഓളം ജാതി മുളകള് ഉണ്ട്. ജീവിതത്തില് ഒരിക്കല് മാത്രം പൂക്കുകയും പൂക്കാലം കഴിയുന്നതോടെ നശിക്കുകയും ചെയ്യുന്ന മുളയുടെ ഔഷധഗുണങ്ങള് നിരവധിയാണ്. ഇവയുടെ വേര്, മുട്ട്, തളിരില, മുളയരി എന്നിവ ഔഷധഗുണമുള്ള ഭാഗങ്ങളാണ്.
പാവപ്പെട്ടവന്റെ തടി എന്ന് ഇന്ത്യയും, മനുഷ്യന്റെ സുഹൃത്ത് എന്ന് ചൈനയും, എന്റെ സഹോദരന് എന്ന് വിയറ്റ്നാംകാരും വിശേഷിപ്പിക്കുന്ന മുളയുടെ സംരക്ഷണത്തിനും അതിന്റെ പാരിസ്ഥിതിക സവിശേഷതകള് ജനങ്ങളെ അറിയിക്കാനുമായിട്ടാണ് 2009 ല് തായ്ലന്റില് നടന്ന വേള്ഡ് ബാംബൂ കോണ്ഗ്രസ്സില് സപ്തംബര് 18 ലോക മുളദിനമായി ആചരിക്കാന് തീരുമാനിച്ചത്.
മറ്റുവൃക്ഷങ്ങളേക്കാള് മുപ്പതു ശതമാനം അധികം ഓക്സിജന് ഉല്പാദിപ്പിക്കുകയും കൂടുതല് കാര്ബണ്ഡൈഓക്സൈഡിനെ വലിച്ചെടുക്കുകയും ചെയ്യുന്നവയാണിവ. ഭാരക്കുറവ് , വഴക്കം, ബലം എന്നിവയുള്ള മുളകള് നിര്മാണ പ്രവര്ത്തനങ്ങള്ക്കും ഫര്ണിച്ചറുകള്ക്കും മറ്റും അനുയോജ്യമാണ്.